Dende a Asociación, estamos a facer un esforzo común para promover e conseguir axitar conciencias sobre o papel da muller no mundo do fútbol.
Concello de Abegondo
Dende “ A Terra, o balón máis elas” comprometémonos a traballar por visibilizar, mellorar, facilitar e acompañar ás mulleres e nenas dentro do mundo do fútbol, fútbol sala e fútbol gaélico, en todas as súas facetas, profesións e ámbitos de actuación. Tratando de eliminar todo tipo de barreiras e obstáculos aos que as mulleres nos enfrentamos constantemente ao longo da nosa carreira profesional e deportiva.
Dende a asociación trataremos de visibilizar referentes e modelos profesionais de este mundo para que as nenas e mozas en Galicia, sexan conscientes de todas as posibilidades e oportunidades que deberían ter, en calqueira dos seus ámbitos profesionais e de actuación.
Traballaremos para concienciar ás distintas institucións da necesidade de compromoterse a visibilizar e promover á muller no mundo fútbol, garantindo a igualdade de oportunidades e eliminando calqueira tipo de discriminación polo xénero, a etnia, condición sexual, diversidade funcional, etc.
A mulleres, mozas e nenas,
Para as que o fútbol é parte da súa vida,
Das súas Ledicias,
Da súa tristeza.
Esas que adican esforzo
O seu tempo, talento e teima,
En practicar ou traballar por
e para uns deportes
que aínda hoxe nos silencian.
Móstrannos indiferencia.
Dende A Terra, o balón mais elas
Lanzamos o compromiso
De traballar por visibilizar e mellorar
O papel de todas vós,
En tódalas profesións,
áreas e ámbitos de actuación
Ao Longo de todo o camiño.
Todas esas barreiras
Ás que cada día nos enfrentamos
Que nos fan sentir pequenas,
Dubidar de nós mesmas,
Cuestionarnos, frenarnos…
Poñeranse sobre a mesa,
Para que todo o mundo as vexa.
E saiban que Nós loitamos.
Para en Galicia
Todas elas
Sexan mozas, mulleres ou nenas.
Coñezan modelos e referentes.
Saiban que poden ser nestes deportes
quenes queiran:
Xogadoras, xornalistas, sanitarias,
Adestradoras, coordinadoras e dirixentes.
Que non deben sentir nin ter limitacións
menos oportunidades,
dereitos e proxección
en ningún ámbito
Nin en ningunha profesión,
Polo único feito de ser mulleres.
Reivindicaremos o dereito
De igualdade de oportunidades
Concienciando ás institucións,
Organismos,
e por ende á sociedade.
Traballaremos por promover
á muller No fútbol, futsal e fútbol gaélico
ate que loitar
contra calqueira tipo de discriminación
(Xénero, etnia, condición sexual, diversidade funcional, etc.)
Deixe de ser unha necesidade.
"(Requerido)" indicates required fields